藍雨日常段子.2
全粵語對話![註:不會翻譯。看不懂的,請放棄,抱歉!]
我只是想寫粵語系列。
前篇:藍雨日常段子
我真心好想做粵語藍雨廣播劇TWT
這次的腦洞來源:【架喇播】20140129 架喇播 !
懂粵語的不況把它當作部分是真藍雨聊天來聽!
聊天的幾位是真電視台粵語CV來!某位還是我粵語CV男神之一XDDD
4.旅行
徐:你地去旅行去過最遠嘅係邊?
宋:新加坡。
李:應該係細個同阿爸阿媽去嘅泰國。
鄭:壓力山大!未離開過中國。哈爾濱遠D、定係蒙古遠D?
盧:鄭軒前輩、鄭軒前輩,咁日本遠D,定韓國遠D?我兩個都去過,但唔知邊個遠D!
鄭:小盧,呢個問題自己百度去。我連自己祖國邊個地方和G市遠D都唔知……
宋:做咩突然問呢個問題。你想去旅行?
徐:有D。但係唔知去邊度好。
李:黃少之前唔係先去完旅行,可以問下佢。[向訓練室一旁和喻隊討論訓練安排中的黃少天叫道]黃少!
黃:咩事?
李:你之前未去旅行,去左邊度?
黃:澳洲!講起黎你地知唔知我去個時……
鄭[不理會黃少天的話,直接打斷道]:終於有人衝出亞洲。
徐:還未離開過中國嘅,請自重。
黃:你地突然問我去旅行做咩?你地唔係要追討返D手信!明明係你地……
盧:景熙前輩想去旅行。所以想問下大家嘅意見。
黃:咁呢個緊係要搵隊長黎問!隊長每逢有假期就會去旅行,問佢就最清楚!隊長!徐景熙有野想問你!
喻:有野問我?咩野?
徐:有D想去旅行,但唔知去邊度好,所以想問下隊長嘅意見。
喻:哦。這個……你去旅行係想睇風景定係去玩?
徐:最好兩邊都有。
喻:想食野多定買野多?
徐:都係兩邊都有就最好。
喻:等我諗諗有咩好地方介紹比你。
黃:唔世等隊長介紹。你答得咁廢話,我就可以介紹好地方比你!就係G市!G市有景睇、有野玩、有好野食,仲有野買!係唔係好好呢!我堂堂大劍聖仲可以做你導遊,只要998就陪你玩足整日,絕不收小費、服務費,只需998!
李:我就蝕抵D,收你900!
宋:搵我。888,好意頭!仲可以免你耳仔受到噪音騷擾。
鄭:為左以後打團隊戰嘅血,我就打個七折比你!700!
盧:景熙前輩,因為我未成年,除左同戰隊相關嘅工作外,其他時候都唔可以打工。所以你只要包我行程上一切嘅費用,我就免費帶你遊G市!係唔係好抵?
徐:你地同我滾,唔好阻住隊長幫我諗。
喻[把手機遞給徐景熙]:我諗羅馬應該唔錯。上次我去完返黎都想立即再返去玩多幾天。而且依家呢間航空公司打拆,一萬蚊左右就有來回機票。你可以考慮一下。
徐[低頭看喻文州給他的手機上的照片]:隊長……呢張相?
喻:我去羅馬假期戲入面兩個主角去過嘅景點,然後撞到一位好喜歡羅馬假期嘅外國女仔。佢同我講好想同我係度拍一張模仿羅馬假期嘅劇照,所以就拍左呢張相出黎。
徐:……
喻:係唔係唔襯,我都同佢講都係返個外國人同佢拍會襯D,但佢話我氣質接近。
徐:不……拍得幾好。隊長仲有冇其他地方好介紹?
喻[直接在徐景熙拿著的手機上掃另一張照片出來]:意大利。個度D PIZZA真係好好食。
徐:隊長,呢張相又係……
喻:意大利真係好熱情。我去邊度都有人送我多份餐,我就同D老闆、侍應影相。
徐:隊長可唔可以唔好歐洲,亞洲嘅有冇?
喻[又再給徐景熙看另一張照片];日本,你覺得點?
徐[低頭看又是喻文州和一個自己不認識的女生的照片]:PASS
喻[第N張照片]:韓國?
徐[第N張喻文州和一個自己不認識的女生的照片]:多謝隊長,我都係選擇放棄出國。[徐景熙把手機塞回給喻文州]小盧係唔係我包你行程上所有費用就得啦?我都係決定留返G市,講起系黎我由細至大住G市,都總有D地方未去過。
5.相片
徐:你地有冇睇過隊長手機上面D旅行相?
李:冇。有咩睇?
宋:我睇過。一堆風景相,不過拍得好靚。
盧:我都有睇過!
鄭:隊長去旅行時會即時發相比我睇。
黃:你地未叫好!隊長每次去有時差好大嘅國家,都唔知係唔係故意黎個深夜報復!
徐:你地有冇睇過係隊長同……其它人一齊影嘅相?
宋:有呀!隊長去塔斯曼尼亞嘅時候好似係參加當地嘅旅行團,有同佢d團友影相。
盧:我見過隊長同英國個……咩宮嘅守衛!個d守衛真係冇表情!
鄭:係微博睇過隊長在出面撞同藍雨嘅粉絲同佢合照。
黃:你問咁多,究竟係唔係頭先你係隊長部手機睇到d咩?
李:有料爆?唔通見到隊長女朋友!
盧:隊長有女朋友?我想睇!靚唔靚架?
鄭:隊長有女朋友?真係壓力山大!隊長點搵到女朋友?
宋:真係女朋友?唔係咩咩表妹之類?
徐:如果真係女朋友就好,但最死我見到唔止一個女仔。
李:隊長居然是一腳踏幾船嘅渣男!
盧:隊長好厲害!
宋:小盧呢d野唔好學,亦都唔好出面同人講。
黃:你講真?吓!死啦!我依家腦入面都係隊長上午同完一個女仔一齊下午就同第二個女仔晚上就又同第三個女仔一起。期間總要一直和其他女仔短訊。以隊長的智商肯定做到冇人發現,而且一定做到讓女方無痛和隊長主動說分手,去到分手女方都唔會知道隊長真面目,還以為自己對不起隊長。死啦!我依家唔敢見到隊長!
鄭:你地腦洞咁大,隊長佢知嗎?隊長邊有時間搵女朋友。
李:咁即係全部都係419!
盧:咩起419?
宋:李遠,呢度仲有未成年。
黃:我唔想講啦。我腦補左更恐怖嘅場面。
徐:你地簡直棄療!我都未講完!我只不過想話隊長嘅桃花運好好,去邊個國家都有外國女仔搭訕佢去影相。
=====================================
真的好想去做個藍雨粵語廣播劇TWT
有人有興趣嗎?就是自我滿足的產物,隨便一起拿手機去錄,然後找軟件調做男聱來玩便可以!
评论